Human Resources Administration311Search all NYC.gov websites

اردو (Urdu)

Print icon Print

اردو

ہیومن ریسورسز ایڈمنسٹریشن 30 لاکھ سے زائد نیویارک کے رہائشیوں کی مدد کرتی ہے۔  HRA اپنے تمام واک اِن مراکز اور فون پر 200 سے زائد زبانوں میں مفت ترجمانی کی خدمات فراہم کرتی ہے۔  یہ ایجنسی مختلف زبانوں میں دستاویزات فراہم کرتی ہے۔ HRA کی بہت سی خدمات امیگریشن کی حیثیت سے قطع نظر دستیاب ہیں۔  جو والدین خود اہل نہیں ہیں، وہ اپنے بچوں کی جانب سے درخواست دے سکتے ہیں۔

نقدی امداد
SNAP
اولاد کے نان ونفقہ سے متعلق خدمات
نگہداشت صحت
گھر پر نگہداشت کی خدمات
HIV/AIDS کی خدمات
بالغوں کے تحفظ کی خدمات
ہوم بیس
قانونی اعانت
توانائی کے اخراجات کے لیے امداد
IDNYC
Fair Fares
گھریلو تشدد سے متاثرہ افراد کے لیے معاونت
محکمہ برائے بے گھر افراد سے متعلق خدمات (DEPARTMENT OF HOMELESS SERVICES, DHS)
دیگر
ہم سے رابطہ کریں

نقدی امداد

اہل خاندان ضرورت مند خاندانوں کے لیے عارضی امداد کے پروگرام (TANF) کے تحت وفاقی حکومت کی مالی معاونت سے فراہم کی جانے والی نقدی امداد زیادہ سے زیادہ 60 ماہ تک حاصل کر سکتے ہیں۔ بچوں کے بغیر رہنے والے اکیلے افراد اور وہ خاندان جو پہلے ہی 60 ماہ تک نقدی امداد حاصل کر چکے ہیں، نیویارک ریاست کے سیفٹی نیٹ پروگرام کے تحت مراعات حاصل کر سکتے ہیں۔

کوئی بھی شخص ACCESS HRA پر آن لائن امدادی فوائد کے لیے درخواست دے سکتا ہے۔  اہلیت سے متعلق دستاویزات اپ لوڈ کی جا سکتی ہیں اور فون پر انٹرویو لیا جا سکتا ہے۔  ہمارے واک اِن بینیفٹ ایکسیس سینٹرز میں درخواست دینے کی سہولت اور مدد بھی دستیاب ہے۔  

اگر آپ کی نقدی امداد کے فوائد چوری ہو گئے ہیں، تو آپ ان کے متبادل کے حصول کے لیے آن لائن یا مکمل شدہ فارم جمع کروا کر دعویٰ دائر کر سکتے ہیں۔ 

SNAP (غذائی اعانت)

اضافی غذائی امداد کا پروگرام (SNAP)، جسے پہلے فوڈ اسٹیمپس کہا جاتا تھا، کم آمدنی والے نیویارک کے رہائشیوں کو غذائی امداد فراہم کرتا ہے۔  درخواستیں آن لائن ACCESS HRA پر دستیاب ہیں۔  اہلیت سے متعلق دستاویزات اپ لوڈ کی جا سکتی ہیں اور فون پر انٹرویو لیا جا سکتا ہے۔  درخواستیں واک انSNAP کے مقامات پر بھی دستیاب ہیں۔  اگر آپ نقدی امداد کے لیے درخواست جمع کروا چکے ہیں، تو SNAP کے لیے علیحدہ درخواست جمع کروانے کی ضرورت نہیں ہے۔

اولاد کے نان ونفقہ سے متعلق خدمات

HRA کا دفتر برائے بچوں کے نان ونفقہ کی خدمات (OCSS) والدین اور قانونی سرپرستوں کو ان کی آمدنی یا امیگریشن کی حیثیت سے قطع نظر خدمات فراہم کرتا ہے۔

بچے کی دیکھ بھال کرنے والی کوئی بھی ماں، باپ یا قانونی سرپرست بچوں کے نان ونفقہ سے متعلق خدمات کے لیے درخواست دینے کی غرض سے نیویارک کے ہر بورو میں موجود OCSS کے دفاتر یا فیملی کورٹ جا سکتے ہیں۔

بچوں کے نان ونفقہ کا پروگرام ان والدین کو بھی متعدد مفید خدمات فراہم کرتا ہے جن کے پاس بچوں کی قانونی تحویل نہیں ہے۔ وہ والدین جن کے پاس بچوں کی قانونی تحویل نہیں ہے، Lower Manhattan میں 151 West Broadway پر واقع OCSS کے کسٹمر سروس واک اِن سینٹر جا سکتے ہیں۔ 

نگہداشت صحت

اگر آپ کی عمر 65 سال یا اس سے زیادہ ہے، آپ کسی معذوری یا بصارت کی خرابی کے ساتھ زندگی گزار رہے ہیں، آپ کو Medicare ملتا ہے اور آپ نابالغ بچوں کے والدین یا نگہداشت کرنے والے نہیں ہیں، تو آپ HRA کے ذریعے Medicaid کے لیے درخواست دے سکتے ہیں۔  اگر ان میں سے کوئی بھی زمرہ آپ پر لاگو ہوتا ہے تو، آپ Medicaid کے لیےACCESS HRA پر درخواست دے سکتے ہیں۔  متبادل طور پر، HRA Medicaid ہیلپ لائن کو 888-692-6116 پر کال کریں یا ہمارے طبی اعانت پروگرام کے کسی دفتر میں تشریف لے جائیں۔ اگر آپ Medicaid کے لیے درخواست دینے یا اس کی تجدید کرنے میں کسی کی مدد چاہتے ہیں، یا Medicare کے اخراجات کی ادائیگی میں مدد حاصل کرنا چاہتے ہیں، تو اندراج میں مدد فراہم کرنے والے نمائندے سے ملاقات کا وقت طے کرنے کے لیے 347-396-4705 پر کال کریں۔  دیگر تمام اقسام کے صحت بیمے کے لیے، NY State of Health کی ویب سائٹ ملاحظہ کریں۔

گھر پر نگہداشت کی خدمات

گھر پر نگہداشت کے پروگرام Medicaid سے مالی اعانت حاصل کرنے والے طویل مدتی نگہداشت کے پروگرام ہیں، جن کا مقصد اہل بزرگ یا معذور افراد کو نرسنگ ہوم کے بجائے اپنے گھر میں محفوظ طور پر رہنے میں مدد دینا ہے۔  Medicaid Managed Long Term Care Programs گھر پر نگہداشت اور دیگر خدمات فراہم کرتے ہیں، لیکن ان تمام پروگراموں کے لیے آپ کا Medicaid کا اہل ہونا ضروری ہے۔

HRA کا دفتر برائے خصوصی خدمات گھر پر نگہداشت کی خدمات کے پروگرام (HCSP) کی نگرانی کرتا ہے۔  HRA کا گھر پر نگہداشت کی خدمات کا پروگرام، Medicaid کے تمام طویل مدتی نگہداشت کے پروگراموں سے خدمات حاصل کرنے والے افراد کی Medicaid کے لیے اہلیت کا تعین کرتا ہے۔  مدد کے لیے براہ کرم DSS OneNumber   کو 718-557-1399 پر کال کریں، HRA کے طویل مدتی گھر پر نگہداشت کی خدمات پروگرام کی ویب سائٹ پر موجود معلومات تک رسائی حاصل کریں:/site/hra/help/long-term-care.page یا یا اپنے علاقے میں واقع گھر پر نگہداشت کے CASA دفتر تشریف لے جائیں۔

HIV/AIDS سے متعلق خدمات

HIV/AIDS خدمات کی انتظامیہ (HASA) کا مقصد HIV یا AIDS کے ساتھ زندگی گزارنے والے اہل افراد اور ان کے خاندانوں کو ضروری امدادی فوائد اور سماجی خدمات، بشمول کیس مینجمنٹ، تک رسائی فراہم کرنا ہے۔ HASA کی بعض خدمات امیگریشن کی حیثیت سے قطع نظر دستیاب ہیں۔ 

نیویارک ریاست کے محکمۂ صحت کے ایڈز انسٹی ٹیوٹ (AI) نے جون 2016 میں HIV کی نگہداشت اور علاج کے لیے اہلیت کی تعریف میں ترمیم کی۔ اس توسیع شدہ تعریف کے مطابق، نیویارک سٹی کی ہیومن ریسورسز ایڈمنسٹریشن (HRA) نے HIV/AIDS خدمات کی انتظامیہ (HASA) کے ذریعے 29 اگست 2016 سے HIV کے ساتھ زندگی گزارنے والے نیویارک شہر کے ان تمام رہائشیوں کو اضافی امداد اور خدمات فراہم کرنا شروع کر دیں جو مالی لحاظ سے اہل ہیں۔

بالغوں کے تحفظ کی خدمات

بالغوں کے تحفظ کی خدمات (APS) ایسے بالغ افراد کو خدمات اور معاونت فراہم کرتی ہیں جو جسمانی یا ذہنی صلاحیتوں میں کمی، یا دونوں کے باعث نقصان کے خطرے سے دوچار ہیں۔  بعض خدمات کے لیے اہل ہونے کی غرض سے شہریت یا امیگریشن کی حیثیت سے متعلق کوئی شرائط نہیں ہیں۔

  • کسی کلائنٹ کو بالغوں کے تحفظ کی خدمات (APS) کے لیے ریفر کرنے کی غرض سے DSS OneNumber کو 718-557-1399 پر کال کریں اور بالغوں کے تحفظ کی خدمات کا آپشن منتخب کریں، یا کسی بھی وقت درج ذیل لنک پر کلک کرکے آن لائن ریفرل فارم پُر کریں: APS کے لیے آن لائن ریفرل جمع کروائیں۔

ہوم بیس

ہوم بیس آپ کو رہائش کے بحران پر قابو پانے اور ممکنہ طور پر اپنے گھر میں رہائش برقرار رکھنے کے لیے آپ کی مخصوص ضروریات کے مطابق منصوبہ تیار کرنے میں مدد فراہم کرے گا۔ آپ ہوم بیس کی خدمات کے لیے اہل ہو سکتے ہیں اگر آپ:

  • نیویارک سٹی کے بے گھر افراد کے لیے پناہ گاہوں کے نظام میں داخل ہونے کے خطرے سے دوچار ہیں
  • کم آمدنی والے ہیں
  • اپنی ہی کمیونٹی میں رہنا چاہتے ہیں

ہوم بیس کے بارے میں مزید جانیں، بروشر ڈاؤن لوڈ کریں۔

اپنا قریب ترین ہوم بیس دفتر کو تلاش کرنے کے لیے یہاں کلک کریں۔

قانونی اعانت

اگر آپ کو بے دخلی کا سامنا ہے، امیگریشن سے متعلق کسی معاملے میں مدد درکار ہے، بطور کارکن آپ کی اجرت چوری کی جا رہی ہے یا کام کی جگہ پر دیگر قانونی خلاف ورزیوں کا سامنا ہے، یا آپ کو دیگر قانونی مسائل درپیش ہیں، تو آپ DSS کے دفتر برائے دیوانی انصاف (OCJ) کے ذریعے مفت قانونی اعانت حاصل کرنے کے اہل ہو سکتے ہیں۔

توانائی کے اخراجات کے لیے امداد

گھریلو توانائی میں امداد کا پروگرام (Home Energy Assistance Program, HEAP) کم آمدنی والے مکان مالکان اور کرایہ داروں کو گھر گرم رکھنے کے لیے ایندھن، آلات اور مرمت کے بلوں کی ادائیگی میں مدد فراہم کرتا ہے۔ 

  • اگر آپ کو اپنے یوٹیلٹی بل کی ادائیگی میں دشواری ہو رہی ہے، تو 718-557-1399  DSS OneNumber پر کال کرکے HEAP سے رابطہ کریں۔

IDNYC

IDNYC نیویارک سٹی کا سرکاری بلدیاتی شناختی کارڈ ہے، جو نیویارک سٹی کے 11 سال یا اس سے زیادہ عمر کے تمام اہل رہائشیوں کے لیے دستیاب ہے۔ IDNYC کارڈ حکومت کی جانب سے جاری کردہ ایک سرکاری شناختی دستاویز کے طور پر کام کرتا ہے اور کارڈ رکھنے والوں کو متعدد فوائد فراہم کرتا ہے۔

Fair Fares

Fair Fares پروگرام نیویارک کے اہل رہائشیوں کو سب وے، بسوں اور Access-A-Ride سمیت عوامی نقل و حمل کی سہولیات نصف کرائے پر استعمال کرنے کی سہولت فراہم کرتا ہے۔   ACCESS HRAپر درخواست دیں۔ 

گھریلو تشدد سے متاثرہ افراد کے لیے معاونت

گھریلو تشدد سے بچ جانے والے افراد کو اپنے اور اپنے بچوں کے لیے عارضی رہائش، ہنگامی پناہ گاہ اور معاون خدمات فراہم کی جا سکتی ہیں۔

نیو یارک سٹی کی 24 گھنٹے چلنے والی خانگی تشدد ہاٹ لائن: 800-621-HOPE

بے گھر افراد کی خدمات کا محکمہ (DEPARTMENT OF HOMELESS SERVICES, DHS)

بے گھر افراد کی خدمات کا محکمہ (DHS) غیر منافع بخش شراکت داروں کے ساتھ مل کر جہاں ممکن ہو بے گھری کی روک تھام کرنے، سڑکوں پر بے گھر رہنے کے مسئلے سے نمٹنے، محفوظ عارضی پناہ گاہیں فراہم کرنے اور بے گھری کا سامنا کرنے والے نیویارک کے رہائشیوں کو مناسب رہائش کے حصول میں مدد دینے کے لیے کام کرتا ہے۔

دیگر

ہم سے رابطہ کریں