Voter Language Access The People's Money Community Boards TRIE Initiative

Voter Language Access

קומענדיגע וואלן און VLA סערוויסעס

Person sits at orange table with NYC Civic Engagement Commission banner in various languages waiting to assist voters with interpretation services

וועגן וויילער שפראך הילף: די ניו יארק סיטי בירגער באשעפטיגונג קאמיסיע (NYC Civic Engagement Commission, NYCCEC) שטעלט צו שפראך סערוויסעס פאר וויילער מיט באגרעניצטע ענגליש קענטעניס (Limited English Proficiency, LEP) דורכאויס די וואלן. די וויילער שפראך הילף (Voter Language Assistance, VLA) פראגראם שטעלט צו דאלמעטשונג סערוויסעס ביי געוויסע וואל פלעצער אין די פאלגנדע שפראכן:

אראביש, בענגאליש, כינעזיש (קאנטאניז, מאנדארין) פראנצויזיש, העישען קריאול, איטאליעניש, קארעיש, פויליש, רוסיש, אורדו, און אידיש.

הויפט דאטומס פאר די נאוועמבער 2025 אלגעמיינע וואלן:

שטימען דאטומס

אקטאבער 25 – נאוועמבער 2: פריע וואלן
נאוועמבער 4: וואלן טאג

דעדליינס

אקטאבער 25: וויילער רעגיסטראציע בויגן מוז ערהאלטן ווערן דורך BOE (סיי אנליין און סיי מיט די פאסט)
אקטאבער 25: פאסט אדער אנליין אבסענטי שטים -צעטל פארלאנג מוז ערהאלטן ווערן דורך BOE
נאוועמבער 3: פארלאנג פאר א פאסט שטים-צעטל מוז ווערן געמאכט פערענליך ביי אייער לאקאלע באורד אוו עלעקשאנס אפיס
נאוועמבער 4: לעצטע טאג צו פאסט סטעמפלען אדער פערזענליך אפטראגן אן אבסענטי שטים-צעטל

אויב איר זענט נישט זיכער וועגן אייער וויילער רעגיסטראציע סטאטוס, קוקט אויף BOE 'סוועבזייטל אדער רופט 866-868-3692.

דאלמעטשונג סערוויסעס פאר די נאוועמבער 2025 אלגעמיינע וואלן:

פאר די נאוועמבער אלגעמיינע וואלן, וועט VLA צושטעלן דאלמעטשונג סערוויסעס אויף די פאלגנדע דאטומס:

פריע וואלן: פרייטאג, אקטאבער 31 (בלויז אידיש), שבת, נאוועמבער 1, און זונטאג, נאוועמבער 2
וואלן טאג: דינסטאג, נאוועמבער 4

אויסצוגעפונען אויב אייער שטים פלאץ וועט באקומען VLA דאלמעטשונג סערוויסעס אין די קומענדיגע וואלן, באזוכט די פריע שטימען סערוויסעס מאפע אדער סערוויסעס מאפע פאר די וואלן טאג. איר קענט אויך טרעפן א צוטריטליכע פריע וואלן סערוויסעס ליסטע און וואלן טאג סערוויסעס ליסטע. צו טרעפן אייער שטים פלאץ, באזוכט טרעפט מיין שטים פלאץ און לייגט אריין אייער אדרעס צו טרעפן אייער וואלן לאקאציע. ביטע נעמט אין אכט אז אייער פריע וואלן לאקאציע קען זיין אנדערש פון אייער וואלן טאג לאקאציע, און די לאקאציע האט זיך מעגליך געטוישט פון ווען איר האט געשטימט די לעצטע מאל.

ניו יארק סיטי באורד פון עלעקשאנס שטעלט צו סערוויסעס אין די פאלגנדע קאונטיס:

New York: ספאניש, כינעזיש (קאנטאניז, מאנדארין)
Kings: ספאניש, כינעזיש (קאנטאניז, מאנדארין), קארעאניש, בענגאליש
Queens: ספאניש, כינעזיש (קאנטאניז, מאנדארין), קארעאניש, בענגאליש, הינדי, פונדזשאביש און טאגאלאג
Bronx: ספאניש
Richmond: ספאניש, כינעזיש

די VLA 'ס דאלמעטשונג סערוויסעס לייגן צו אבער טוען נישט ערזעצן אדער נאכמאכן די BOE 'ס דאלמעטשונג סערוויסעס.

וואס איז אויפן שטים-צעטל

אין צוגאב צו וועלן פאר לאקאלע אפיסעס, אריינגערעכנט מעיאר, פובליק אדוואקאט, קאמפטראלער, בארא פרעזידענט, סיטי קאונסיל, וועלן ניו יארק סיטי וויילער אויך געבן זייער מיינונג אויף זעקס שטים-צעטל שריט. ביים וועלן דעם נאוועמבער, מאכט זיכער צו איבערדרייען די שטים-צעטל.

צו לערנען וועגן יעדע שטים-צעטל שריט, קליקט די פאלגנדע לינקס צו עפענען.

Expand All Collapse All

Click a topic, or press the enter key on a topic, to reveal its answer.

אמענדמענט צו ערלויבן די אלימפיק ספארטס געביידע אין עסעקס קאונטי אויף סטעיט וואלד פרעזערוו לאנד

וואס איר וועט זען אויפ'ן שטים-צעטל

ערלויבט סקיאינג און פארבינדענע טרעיל איינריכטונגען אויף סטעיט וואלד פרעזערוו לאנד. די ארט איז 1,039 אקער. פארלאנגט פון די סטעיט צוצולייגן 2,500 אקער פון נייע וואלד לאנד אין אדיראנדעק פארק.

שטימען יא געבט ערלויבעניש פאר נייע סקי טרעילס און פארבינדענע איינריכטונגען אין די אדיראנדעק וואלד פרעזערוו.

שטימען ניין ערלויבט נישט דעם באנוץ.

וואס די פארשלאג זאגט

די פארשלאג וואלט ערלויבט די אויסברייטערונג פון נייע סקי טרעילס אין די אלימפיק ספארטס געבייגע אין עסעקס קאונטי, ניו יארק. די אלימפיק ספארט געביידע איז אין סטעיט וואלד פרעזערוו לאנד. די פארשלאג וועט אויך פארלאנגען פון די סטעיט צוצולייגן 2,500 אקער פון באשיצטע וואלד לאנד אין אדיראנדעק פארק.

וואס די פארשלאג מיינט

יעצט זענען דא שטרענגע געזעצן וועגן די סארטן פון בוי ארבעט וואס זענען ערלויבט אויף סטעיט געאייגנטע און באשיצטע וואלד לאנד. די אלימפיק ספארטס געביידע איז אין די אדיראנדעק וואלד פרעזערוו אין עסעקס קאונטי (אין אפסטעיט ניו יארק). די פארשלאג וואלט ערלויבט אויפצובויען נייע סקי טרעילס.

די פארשלאג פארלאנגט אויך פון ניו יארק סטעיט צוצולייגן נאך 2,500 אקער פון וואלד לאנד צו די אדיראנדעק וואלד פרעזערוו. דאס איז א פארשלאג אויף וואס די גאנצע סטעיט קען שטימען וויבאלד עס פארלאנגט צו טוישן די ניו יארק סטעיט קאנסטיטוציע.

שטימען "יא" טוישט די ניו יארק סטעיט קאנסטיטוציע צו ערלויבן צו בויען נייע טרעילס אין די אלימפיק ספארטס קאמפלעקס אויף וואלד פרעזערוו לאנד אין עסעקס קאונטי, ניו יארק.

שטימען "ניין" לאזט די ניו יארק סטעיט קאנסטיטוציע אומגעטוישט.

פארשנעלערן אפארדעבל האוזינג צו בויען מער אפארדעבל האוזינג לענגאויס די סיטי

וואס איר וועט זען אויפ'ן שטים-צעטל

פארשנעלערן אפארדעבל האוזינג וואס ווערט פינאנצירט דורך די פאבליק. פארשנעלערן אפליקאציעס וואס ברענגען אפארדעבל האוזינג אין די קאמיוניטי דיסטריקט וואס שאפן די ווייניגסטע אפארדעבל האוזינג, שטארק רעדוצירנדיג די צייט פונעם איבערזיכט. אנהאלטן די קאמיוניטי באורד איבערזיכט.

"יא" פארשנעלערט אפליקאציעס ביי די באורד פון סטאנדארטן און אפיעלס אדער סיטי פלאנירונג קאמיסיע.

"ניין" לאזט אפארדעבל האוזינג אויסגעשטעלט צו לענגערע איבערזיכט און די ענדגילטיגע באשלוס ביי די סיטי קאונסיל.

וואס די פארשלאג זאגט

די פארשלאג וואלט געמאכט צוויי נייע פראצעדורן צו פארשנעלערן געוויסע אפארדעבל האוזינג פראיעקטן. די ערשטע פראצעדור איז פאר אפארדעבל האוזינג פראיעקטן וואס ווערן פינאנצירט דורך די פאבליק. די צווייטע פראצעדור אין פאר אפארדעבל האוזינג פראיעקטן אין די 12 קאמיוניטי דיסטריקטס מיט די נידריגסטע ראטעס פון אפארדעבל האוזינג אנטוויקלונג.

וואס די פארשלאג מיינט

רוב האוזינג פראיעקטן מוזן אדורכגיין די יוניפארם לאנד באנוץ איבערזוכט פראצעדור (Uniform Land Use Review Procedure, ULURP), א זיבן-מאנאטיגע איבערזיכט פראצעדור. די פארשלאג וואלט געמאכט צוויי נייע פראצעדורן פאר געוויסע אפארדעבל האוזינג פראיעקטן.

די ערשטע פראצעדור וואלט ערלויבט די באורד פון סטאנדארטן און אפיעלס (Board of Standards and Appeals, BSA) צו באשטעטיגן אפארדעבל האוזינג פראיעקטן וואס ווערן פינאנצירט דורך די פאבליק, נאך א 60-טעג איבערזיכט דורך די לאקאלע קאמיוניטי באורד און א 30-טעג איבערזיכט דורך די BSA.

די צווייטע פראצעדור וואלט געשאפן א שנעלערע איבערזיכט פאר פראיעקטן אין די 12 קאמיוניטי דיסטריקטס מיט די נידריגסטע ראטעס פון אפארדעבל האוזינג. די פראצעדור וואלט ערלויבט פאר די קאמיוניטי באורד און לאקאלע בארא פרעזידענט צו מאכן אן איבערזיכט אין די זעלבע צייט, נאכגעפאלגט מיט א 30- ביז 45-טאגיגע איבערזיכט דורך די סיטי פלאנירונג קאמיסיע (City Planning Commission, CPC). די CPC וועט געבן די ענדגילטיגע באשטעטיגונג אנשטאט די סיטי קאונסיל.

שטימען "יא" מאכט צוויי פראצעדורן צו פארשנעלערן אפארדעבל האוזינג פראיעקטן.

שטימען "ניין" האלט א זיבן-מאנאטיגע איבערזיכט פראצעדור מיט די אנטיילנעמונג פון די לאקאלע קאמיוניטי באורד, לאקאלע בארא פרעזידענט, CPC, סיטי קאונסיל און מעיאר.

פארגרינגערן די איבערזיכט פון באשיידענע האוזינג און אינפראסטרוקטור פראיעקטן

וואס איר וועט זען אויפ'ן שטים-צעטל

פארגרינגערן די איבערזיכט פון א באשיידענע סומע פון נאך האוזינג און קליינע אינפראסטרוקטור פראיעקטן, שטארק רעדוצירנדיג די צייט פון איבערזיכט. אנהאלטן די קאמיוניטי באורד איבערזיכט, מיט די ענדגילטיגע באשלוס דורך די סיטי פלאנירונג קאמיסיע.

"יא" פארגרינגערט די איבערזיכט פאר באגרעניצטע לאנד-באנוץ טוישונגען, אריינגערעכנט באשיידענע האוזינג און קליינע אינפראסטרוקטור פראיעקטן.

"ניין" לאזט די טוישונגען אויסגעשטעלט צו לענגערע איבערזיכטן מיט די ענדגילטיגע באשלוס ביי די סיטי קאונסיל.

וואס די פארשלאג זאגט

די פארשלאג וואלט געשאפן א שנעלערע איבערזיכט פראצעדור פאר געוויסע לאנד באנוץ פראיעקטן, א שטייגער ווי קלענערע פראיעקטן צו טוישן וויאזוי לאנד ווערט גענוצט און צוצוגרייטן די סיטי פאר עקסטרעמע וועטער אדער צוקונפטדיגע שוועריגקייטן. פאר רוב פון די פראיעקטן, וואלט די פארגעשלאגענע פראצעדור אוועקגענומען די ענדגילטיגע איבערזיכט דורך די סיטי קאונסיל.

וואס די פארשלאג מיינט

יעצט מוזן רוב לאנד באנוץ פראיעקטן דורכגיין די יוניפארם לאנד באנוץ איבערזוכט פראצעדור (ULURP), א זיבן-מאנאטיגע פובליק איבערזיכט פראצעדור. די פארשלאג וואלט געשאפן א פארשנעלערטע לאנד באנוץ איבערזיכט פראצעדור (Expedited Land Use Review Procedure, ELURP) פארקלענערע פראיעקטן צו טוישן וויאזוי לאנד ווערט גענוצט און צוצוגרייטן די סיטי פאר עקסטרעמע וועטער אדער צוקונפטדיגע שוועריגקייטן. די פראצעדור וואלט אריינגענומען א 60-טעג איבערזיכט צייט אפשניט פאר די לאקאלע קאמיוניטי באורד און לאקאלע בארא פרעזידענט, נאכגעפאלגט מיט א 30-טעג איבערזיכט און ענדגילטיגע באשלוס דורך די סיטי פלאנירונג קאמיסיע (CPC).

שטימען "יא" שאפט א שנעלערע פראצעדור פאר קלענערע זאונינג טוישונגען און אנדערע לאנד באנוץ שריט. עס נעמט אויך אוועק די סיטי קאונסיל’ס איבערזיכט פאר רוב פראיעקטן.

אוועקשטעלן אן אפארדעבל האוזינג אפיעלס באורד מיט קאנסיל, בארא, און סיטי-ברייטע פארטרעטונג

וואס איר וועט זען אויפ'ן שטים-צעטל

אוועקשטעלן אן אפארדעבל האוזינג אפיעלס באורד מיט די קאונסיל ספיקער, לאקאלע בארא פרעזידענט און מעיאר איבערצוקוקן קאונסיל שריט וואס זאגן אפ אדער טוישן אפליקאציעס וואס שאפן אפארדעבל האוזינג.

"יא" שאפט די דריי-מיטגליד אפארדעבל האוזינג אפיעלס באורד אפצושפיגלען קאונסיל, בארא און סיטי-ברייטע פערספעקטיוון.

"ניין" לאזט אפארדעבל האוזינג אויסגעשטעלט צו די מאיאר’ס וועטא און ענדגילטיגע באשלוס ביי די סיטי קאונסיל.

וואס די פארשלאג זאגט

די פארשלאג וואלט געטוישט די יעצטיגע לאנד באנוץ איבערזיכט פראצעדור ווען די סיטי קאונסיל זאגט אפ אדער טוישט אן אפארדעבל האוזינג פראיעקט. די פארשלאג וואלט געשאפן אן אפארדעבל האוזינג אפיעלס באורד, צוזאמגעשטעלט פון די לאקאלע בארא פרעזידענט, ספיקער פון די סיטי קאונסיל און מעיאר. די פארשלאג וואלט ערלויבט די אפיעלס באורד צוריקצודרייען די סיטי קאונסיל’ס באשלוס מיט א צוויי-קעגן-איין שטימע.

וואס די פארשלאג מיינט

יעצט מוזן מערסטע אפארדעבל האוזינג פראיעקטן אדורכגיין די יוניפארם לאנד באנוץ איבערזוכט פראצעדור (ULURP), א זיבן-מאנאטיגע איבערזיכט פראצעדור וואס ענדיגט זיך מיט א ענדגילטיגע סיטי קאונסיל שטימע. די מעיאר האט די מאכט צו צושטערן די באשלוס און די סיטי קאונסיל קען צוריקדרייען די וועטא.

די פארשלאג וואלט געווען גילטיג פאר אפארדעבל האוזינג פראיעקטן וואס די סיטי קאונסיל זאגט אפ אדער טוישט. די פארשלאג וואלט געשאפן אן אפארדעבל האוזינג אפיעלס באורד וואס וואלט געהאט די מאכט צוריקצודרייען די סיטי קאונסיל’ס באשלוס. די אפיעלס באורד וואלט אריינגענומען די לאקאלע בארא פרעזידענט, ספיקער פון די סיטי קאונסיל און מעיאר. פראיעקטן וואלטן אריבערגעגאנגען אויב צוויי פון די דריי מיטגלידער באשטעטיגן עס.

שטימען "יא" שאפט די אפארדעבל האוזינג אפיעלס באורד, וואס וואלט געקענט צוריקדרייען באשלוסן פון די סיטי קאונסיל אויף אפארדעבל האוזינג פראיעקטן מיט א צוויי-קעגן-איין שטימע. די אפיעלס באורד וואלט געווען צוזאמגעשטעלט פון די לאקאלע בארא פרעזידענט, ספיקער פון די סיטי קאונסיל און מעיאר.

שטימען "ניין" האלט די יעצטיגע איבערזיכט פראצעדור פאר אפארדעבל האוזינג פראיעקטן, וואס נעמט אריין א ענדגילטיגע באשלוס דורך די סיטי קאונסיל.

מאכן א דיגיטאלע סיטי מאפע צו מאדערניזירן סיטי אפעראציעס

וואס איר וועט זען אויפ'ן שטים-צעטל

פאראייניגן בארא מאפע אפיס און אדרעס פליכטן פונקציעס און שאפן איין דיגיטאלע סיטי מאפע ביי די דעפארטמענט פון סיטי פלאנירונג. היינט באשטייט די סיטי מאפע פון פאפירענע מאפעס לענגאויס פינף אפיסעס.

"יא" שאפט א פארייניגטע, דיגיטאלע סיטי מאפע.

"ניין" לאזט פינף באזונדערע מאפעס און אדרעס פליכט פונקציעס, אנגעפירט דורך בארא פרעזידענט אפיסעס.

וואס די פארשלאג זאגט

די פארשלאג וואלט געמאכט די דעפארטמענט פון סיטי פלאנירונג (Department of City Planning, DCP) פאראנטווארטליך צו שאפן, אונטערהאלטן און מאכן דיגיטאל איין איינציגע סיטי מאפע.

וואס די פארשלאג מיינט

די סיטי מאפע באשטימט די לעגאלע נאמען, ברייטקייט און ליניעס פון גאסן. יעצט ווערט די מאפע אנגעפירט דורך פינף טאפאגראפישע ביוראס אין יעדע בארא פרעזידענט’ס אפיס. די סיטי מאפע באשטייט פון 8,000 פאפירענע מאפעס. די פארשלאג וואלט פארלאנגט פון די דעפארטמענט פון סיטי פלאנירונג (DCP) צו פאראייניגן די באזונדערע מאפעס צו איין צענטראלע, דיגיטאלע סיטי מאפע.

שטימען "יא" שאפט א צענטראלע, דיגיטאלע סיטי מאפע אונטערגעהאלטן דורך די דעפארטמענט פון סיטי פלאנירונג.

שטימען "ניין" האלט די פאפירענע מאפע פון יעדע בארא באזונדער און אנגעפירט דורך יעדע בארא פרעזידענט’ס אפיס.

רוקן די לאקאלע וואלן צו די יאר פון די פרעזידענט וואלן צו העכערן די וויילער אנטיילנעמונג

וואס איר וועט זען אויפ'ן שטים-צעטל

רוקן די סיטי’ס פריימערי און אלגעמיינע וואלן דאטום אז סיטי וואלן זאלן ווערן געהאלטן אין די זעלבע יאר ווי פעדעראלע פרעזידענט וואלן, ווען ערלויבט דורך די סטעיט געזעץ.

"יא" רוקט די סיטי וואלן צו די זעלבע יאר ווי פעדעראלע פרעזידענט וואלן, ווען ערלויבט דורך די סטעיט געזעץ.

"ניין" לאזט געזעצן אונגעטוישט.

וואס די פארשלאג זאגט

די פארשלאג וואלט גערוקט די דאטום פון וואלן פאר סיטי אפיסעס צו די זעלבע יאר ווי פעדעראלע פרעזידענט וואלן.

וואס די פארשלאג מיינט

יעצט ווערן סיטי וואלן געהאלטן אויף נישט-גלייכע-נומער יארן און פעדעראלע פרעזידענט וואלן ווערן געהאלטן אויף גלייכע-נומער יארן, יעדע פיר יאר. די פארשלאג וואלט געמאכט אז סיטי און פעדעראלע וואלן זאלן אויסקומען אין די זעלבע יארן. דאס מיינט אז וואלן פאר סיטי אפיסעס (פאר מעיאר, פובליק אדוואקאט, קאמפטראלער, בארא פרעזידענט, און סיטי קאונסיל) וואלטן אויסגעקומען אין די זעלבע יאר ווי פעדעראלע פרעזידענט וואלן. די פארשלאג וואלט אויך געפאדערט א טויש פאר די ניו יארק סטעיט געזעץ איידער עס גייט אריין אין קראפט.

שטימען "יא" רוקט די סיטי וואלן צו די זעלבע יאר ווי פעדעראלע וואלן, געוואנדן אין די טויש צו די סטעיט געזעץ.

שטימען "ניין" האלט סיטי וואלן צו ווערן געהאלטן אין נישט-גלייכע-נומער יארן, אויף א צווייטע וואלן רונדע פון פעדעראלע פרעזידענט וואלן.